SEPOR

Numpak sepor nang meduro, temenan ta? Sakjane dalan sepor nang meduro iku wis onok suwe, dalan sepor molai kalianget sumenep sampek bangkalan ket mbiyen dibukak karo londo molai taun 1898 sampek 1901, yo nggarape gak langsung jreng dadi koyo nggawe uwot suromadu iku, jaman mbiyen gak koyok saiki, soale barang abot yo dipekol karo diseret, gak ditumpakno trek utowo bego, nggawene dalan sepor nang meduro iku molai teko Kamal-Bangkalan taon 1898, Bangkalan-Tunjung taon 1899, Tanjung-Kapedi taon 1900, Kapedi-Tambangan taon 1900, Tambangan Kalianget taon 1899, Kwanyar-Blega taon 1901, Tanjung-Sampang taon 1901, teros Sampang-Blega taon 1901. Dalan sepor nang meduro iku kaitane digae nggotong uyah teko Kalianget nang Kamal mbolak-mbalek, suwe-suwe sepure yo digae tumpakan soale enak numpak sepor wis murah yo cepet pisan, jaman sakmono iku meduro dalane jeglongan thok, gak onok embong mulus, wong saiki ae embonge akeh sing bolang bolong, opo maneh pas jaman londo, numpak sepor teko kamal sampek kalianget ae sedinoan, nek liwat embong biasa isok rong ndino, iku jek dorong sak njegure nang blethokan. Sing kurang ajar iku wong jepang, gak melok nggawe isoke mek ngerusak, jepang dolen nang meduro dhiluk wes kurangajar wani ngerusak dalan sepor Kalianget-Pamekasan, jepang kere, teko mrene gak nggowo duwek tambah ngerombeng wesi dalane sepor digae samurai karo bedil.. Nasipe wong meduro cek melase rek, wesine dirombeng jepang, saiki dalane sepor karek teko Pamekasan sampek Kamal thok, iku pengger embong kurukan suket. La terus kapan sepor isok mlaku nang meduro? Yo dongakno ae isok cepetan cak, ojok takon aku, aku iki mek nggedabrus thok, aku mek kepingin ngelencer numpak sepor nang meduro.